None ku wa kane, tariki ya 19 Nzeri 2019, inama idasanzwe y’Inama Rusange y’Ihuriro ry’Igihugu Nyunguranabitekerezo ry’Imitwe ya Politiki yateranye, iyobowe n’Umuvugizi w’Ihuriro, Depite MUKABUNANI Christine.

Ku murongo w’ibyizwe hari ingingo ijyanye no gushyiraho abakandida b’Abasenateri bashyirwaho n’Ihuriro.

Inama Rusange yashyizeho abakandida b’Abasenateri batangwa n’Ihuriro mu Nteko Ishinga Amategeko/Umutwe wa Sena, nk’uko biteganywa n’amategeko.

Abakandida b’Abasenateri babiri (2) bashyizweho n’Ihuriro ni Madamu  UWAMURERA Salama watanzwe n’Umutwe wa Politiki PDI na Bwana NKUSI Juvenal watanzwe n’Umutwe wa Politiki PSD.

Ibyangombwa bisabwa aba bakandida Senateri byashyikirijwe Urukiko rw’Ikirenga kugira ngo rubemeze.